Minbiziaren Aurka Gipuzkoan elkartearen "Minbiziaren Tour-a" erakusketa Urbilen
Urbilek Minbiziaren Aurka Gipuzkoan elkartearen "Minbiziaren Tour-a" erakusketa hartuko du otsailaren 25etik martxoaren 7ra. Lau panelek osatzen dute erakusketa, Minbiziaren Aurkako Munduko Eguna dela eta aurtengo kanpainaren goiburua jorratzen dutenak: "Denok ez gara berdinak minbiziaren aurrean".
Erakusketaren helburua minbiziak jotako pertsonek bizi ditzuten desberdintasunak zabaltzea da, baita elkarteak desberdintasun horiek minimizatzen nola laguntzen duen azaltzea ere. Erakusketako panelek gaixoek gaixotasun honen aurrean bizi dituzten desberdintasunak erakusten dituzte. Horretarako, hiru bideo ikusi ahal izango dira, horietan txertatutako QR kode baten bidez. Desberdintasun horiek Minbiziaren Aurka Gipuzkoan elkartearen paziente, osasun-langile eta profesional baten bidez kontatzen dira.
Nabarmentzekoa da Urbilek urtebeterako lankidetza-hitzarmen bat sinatu duela Minbiziaren Aurka Gipuzkoan erakundearekin, Jatorria jasangarritasun-proiektuaren esparruan, Minbiziaren Aurka Gipuzkoan erakundearen jarduera zabaltzeko helburuarekin, horrela, merkataritza-gunea kanpainei gehituz.
Hitzarmen berri honek elkarteari laguntzeko hainbat ekintza biltzen ditu, minbiziari buruzko prebentzioan, informazioan eta kontzientziazioan eragiteko, baita gaixotasun honek jotako pertsonen eta haien familien bizi-kalitatea hobetzeko ere. Egingo den lehenengo ekintza "Minbiziaren Tour-a" erakusketa izango da, datorren martxoaren 7ra arte zentroko moda-gunean egongo dena.
Horrela, Urbilek bere ingurune hurbileko hainbat erakunderekin hartutako konpromisoari jarraipena ematen dio, NBE-ren Garapen Jasangarriko Helburuetan (GJH) oinarritutako Jatorria proiektuaren bidez. Urtez urte ingurumenarekiko, Gipuzkoako gizartearekiko, eta kultura eta ohitura euskaldunekiko duen ardurak bere DNA-ren zati handi bat betetzen duela erakusten jarraitzen du.
